Sa balilihan
kami nagdakopdakop.
Ug bisan pag nagtalithi,
nagpadayon ang lakag.
Hangtod akong nagakos
ang iyang hawak.
Ug nangatumba
mi sa kasagbotan
Naligid. Ug naligid.
Murag kog nalumos
sa kahumot sa Kalatsutsi.
Apan,
gikilatan kog hapak sa tualya.
Bulokbulok akong panan-aw
Kamulog dalugdog
ang pangasaba ni Mama
“Mata na dira, Junior!
ma-late na ka sa bus.”
Sa pagkalma sa bagyo,
nagpadayon kog palanay.
Apan ang kahumot
napulihan og baho
sa laway ug klorox.
-TON DAPOSALA
Walang komento:
Mag-post ng isang Komento